الرئيسية / خواطر و تأملات / الاحتياج من اخطر مراحل الحب

الاحتياج من اخطر مراحل الحب

الكثير من علاقات الحب بتوصل في نصها ونقف ونحس بأننا مش قادرين نكمل وزهقنا خلاص ونبدأ نتلكك لبعض عشان نبعد ودا بيرجع لانه مكنش حب أصلاً ودي الحاجة الغامضة ومش بنعترف بيها نتكلم فيها مع بعض في الفرق بين الحب والاحتياج من خلال موقع قصص مذهلة وللمزيد من القصص والحكايات والخواطر زوروا قسم خواطر وتأملات

الاحتياج من اخطر مراحل الحب

الحب 

الحب هو  الشعور اللي يتولد بين شخصين دون أتفاق تخرج مشاعر متبادلة بتاخد وتدي من غير حساب من غير ماتحسب أنت أديت أيه وأخدت أيه

في قلبنا في مضغة بتضخ الحب اللي بنحسه لجميع أجزاء الجسم مع الدم فبتحس عقلك بيفكر فيه ، عينك دايماً عليه ،شفايفك دايما تنطق اسمه ، رجلك دايما تروح للمكان اللي هو فيه ، مشاعر جميلة جداً بتخرج من غير ما تحسب ولا تقصد ولا حتي تصرح بيها .

بيبقي جوانا مشاعر رقيقة لعلاقة بريئة نقية بعيدة عن المجاملة والإستغلال والمصالح والروتين ، الحاجة الوحيدة اللي تحسسك إنك علي طبيعتك وبحريتك وتعيش فيها أسعد لحظات حياتك ، تحس إنك طاير وعايز تنطلق وعندك طاقة فظيعة للحياة وشايف كل حاجة كويسة وعينك بتضحك .

الاحتياج للحب 

دا الشعور اللي بيحسه الإنسان الوحيد أو اللي حاسس بالوحدة مش شرط أن يكون يكون فعلاً عايش لوحده ممكن يكون مع ناس بس مش حاسين بيه فبيحس انه محتاج لحد معاه ، لقلب يشاركه همومه ووحدته وخوفه وألامه وأوقات فرحه وحزنه بيبقي محتاج حنان وحب وعطاء لكن بعد ما يحس كل الحاجات  اللي مفتقدها واللي كانت نقصاه مبيبقاش محتاج لشيء تاني ، مبيبقاش محتاج للقلب ده في أي شيء ودا بيبقي غلطة بتبدأ من الأول من الطرفين ملهومش ذنب فيها

هو حس أنه محتاج حب وحنان ولقاه في شخص تاني من غير ما يتأكد من مشاعره أو حبه وكتير مننا بيغلط ويندفع ويوهم نفسه بالحب ويخلط الأمور ببعضها من غير ما يتأكد من مشاعره لمجرد أنه يدخل في علاقة أو تجربة ومش مدرك بأن دي مسؤلية كبيرة جداً مش مجرد كلمتين حب وخلاص هيتقالوا

ومن هنا الفرق بين الحب والاحتياج 

كتير مننا بيحس أن بابا وماما وأخواته هاملينه أو مش سألين فيه ، وأصحابه علي طول هزار مفيش حاجة جد ، كل ما بتحكي لحد حاجة يتريق ويهزر بس ده مش معناه إنك تربط نفسك بعلاقة إنك مش واثق منها أو مش واثق من مشاعرك فيها ، جايز تكون قرفان من الدنيا ومحتاج حد تشكيله همومك وتحط رأسك علي كتفه معنوياً فقط .

أوعي تورط نفسك بعلاقة مش أدها ، أوعي تورطي نفسك بعلاقة مش أدها أتاكدوا من نفسكم من مشاعركم قبل ما تربط حياة شخص بيك ، لو محتاج للحب دور عليه بلاش في صحابك في أهلك في أخواتك أتكلم معاهم هيسمعوك و أكيد أنت لوحسست  أهلك بحبك ليهم هما كمان هيبدلوك الإحساس ابدأ أنت وأسأل علي الناس هتسأل علي ومتقربش من أي علاقة حب إلا إذا كنت واثق ومتأكد من مشاعرك 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *