إحتياج

نقدم لكم  ( إحتياج ) من خلال موقع قصص مذهلة للمزيد من القصص زوروا قسم قصص قصيرة

إحتياج

كتير مننا بيكون  ضعيف جداًُ لدرجة إنه بيبقي محتاج حد في حياته ، حد مهتم إنه يعرف عنه كل حاجة مش فضول منه بس ده لأنه لازم يطمن …

حد نعرف نتكلم معاه بكل حرية ، بدون أي قيود أو خوف من إنه يزعل .

حد منعرفش نتظاهر قدامه إننا كويسين وأحنا أصلا مش كويسين

نتكلم معاه بتلقائية طفل صغير مش لازم يرتب أو يفكر في الكلام أو إنك تخاف إن كلامك  يتفهم غلط

حد متبقاش مكسوف وأنت بتحكيله فشلك وضعفك وكسرتك وخوفك من نفسك ومن بكرة ومن كل حاجة حواليك

حد يقدر يشوف روحك الباهتة اللي بندريها من الناس عشان  تبان قوي

محتاجين حد يمحي كل الحاجات الوحشة اللي جوانا واللي عشناها ومرينا بيها حد يحببك فيك تحب نفسك عشانه تحلو بيه وبوجوده ، يكملك وتقدر تتسند عليه . يساعدك تبقي أحسن .

كتيــــــــــــــــــــــــــــــر مننا بيبقي حاسس إنه لوحده حتي مع وجود ناس في حياتك ممكن يبقي ليك عائلة ومعاهم علي طول بس بتحس نفسك بعيد أوي أو حابب تبقي بعيد وممكن يبقي عندك صحاب بس بردوا حاسس إنك لوحدك .

كل الأحاسيس دي بتتجمع في ( الأحتياج )

مش شرط إنك تكون محتاج حب أو إنك محتاج حاجة معينة كل واحد فينا بيحاول يدور علي الكمال ، الجزء اللي يكمله سواء بقي في حب ، في صداقة ، في أهل في حياة .

ندور علي الحاجات اللي محتاجين لها ونكملها بس بلاش إحتياجنا يخلينا نسوء الإختيار بأشخاص مينفعش تدخل حياتنا أو إننا نعمل حاجة مينفعش تتعمل .

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *